ޗެސް އޮލިމްޕިއާޑް 2026: 14 އަހަރުގެ އީނާ އަށް ވެސް ވުމަން ކެންޑިޑޭޓް މާސްޓާ ޓައިޓަލް

އުޒްބެކިސްތާނުގެ ސަމަރްކަންދުގެ ކުރިއަށްދާ 46 ވަނަ ފީޑޭ ޗެސް އޮލިމްޕިއާޑްގައި ވާދަކޮށް، ރާއްޖޭގެ 14 އަހަރުގެ އެތުލީޓް އީނާ އަބްދުﷲ ހަސަން، ވުމަން ކެންޑިޑޭޓް މާސްޓާ (ޑަބްލިއުސީއެމް) ޓައިޓަލް ހާސިލް ކޮށްފި އެވެ.

މިއާ އެކު، މި މުބާތާރްތެރޭގައި ރާއްޖޭގެ ދެ ކުޅުންތެރިއެއް މިވަނީ ބައިނަލްއަގުވާމީ ޗެސް ފެޑެރޭޝަން (ފިޑޭ) ގެ ޑަބްލިއުސީއެމް ޓައިޓަލް ހާސިލް ކޮށްފަ އެވެ. އީނާގެ ކުރިން މި ޓައިޓަލް ހާސިލްކުރީ މަރިޔަމް ލައިސާ އަބްދުއްރަޝީދެވެ.

ރާއްޖޭގައި މިހާތަނަށް ގްރޭންޑް މާސްޓަރެއް ނެތް ނަމަވެސް، އީނާގެ މި ކާމިޔާބީއާއެކު، ރާއްޖޭގައި ފިޑޭގެ ރަސްމީ މާސްޓާ އަދި ކެންޑިޑޭޓް މާސްޓާ ޓައިޓަލް އޮތް ކުޅުންތެރިންގެ ޖުމްލަ އަދަދު މިހާރު ވަނީ 10 އަށް އަރައިފަ އެވެ.

އެއީ ފިޑޭ މާސްޓާ މުހައްމަދު ޝުއާއު އާއި ފިޑޭ މާސްޓާ އަހުމަދު އަޝްރަފް، ކެންޑިޑޭޓް މާސްޓާ ހަސަން މުހައްމަދު އާއި ކެންޑިޑޭޓް މާސްޓާ އަލީ އަބްދުއްރަހްމާން، ވުމަން ފިޑޭ މާސްޓާ ނުހާ ރިލްވާން އާއި ވުމަން ފިޑޭ މާސްޓާ އާއިޝަތު އިވާ ހަސަން، އަދި ވުމަން ކެންޑިޑޭޓް މާސްޓާ ނިހާޔާ އަހުމަދު އާއި ވުމަން ކެންޑިޑޭޓް މާސްޓާ އާމިނަތު ސާރާ ހަލީމް އަދި ވުމަން ކެންޑިޑޭޓް މާސްޓާ މަރިޔަމް ލައިސާ އަބްދުއްރަޝީދުގެ އިތުރުން ވުމަން ކެންޑިޑޭޓް މާސްޓާ އީނާ އަބްދުﷲ ހަސަން އެވެ.