ޗައިނާއަކީ ރާއްޖޭގެ ތަރައްގީގެ ދަތުރުގައި ސާބިތުކަމާއެކު ދެމިއޮތް ބައިވެރިއެއް: ރައީސް މުއިއްޒު

ޗައިނާއަކީ ދިވެހިރާއްޖޭގެ ތަރައްގީގެ ދަތުރުގައި ސާބިތުކަމާއެކު ދެމިއޮތް ބައިވެރިއެއްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ޗައިނާގެ 77 ވަނަ ގައުމީ ދުވަހުގެ ހެޔޮ އެދުމާއި ތަހުނިޔާ ފޮނުވަމަށް ސޯޝަލް މީޑިއާގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ ރާއްޖޭ އާއި ޗައިނާއާ ދެމެދު އޮތީ އިހްތިރާމާއި އިތުބާރުގެ މަައްޗަށް ބިނާވެފައިވާ، ތަރައްގީ އާއި ފާގަތިކަމަށް އަމާޒު ހިފާފައިވާ ގާތް ގުޅުމުއް ކަމަށެވެ. އަދި ދެ ގައުމުގެ ދެމެދުގައި އޮތް ގާތް ގުޅުމާއި އެެއްބާރުލުމުގެ ސަބަަބުން ދިވެހި ރައްޔިތުންނަށް ފައިދާހުރި އެތައް ފުރުސަތުތަކަށް ފަހިވަމުންދާ ކަމަަށް ރައީސް މުއިއްޒު ވިދާޅުވި އެވެ.

ހަމަައެއާއެކު ކުރިއަށް އޮތް މުސްތަގުބަލުގައި ދެ ގައުމުގެ ދެމެދުގައި އޮތް ކޮމްޕްރެހެންސިވް ސްޓްރެޓީޖިކް ޕާޓްނާރޝިޕް އިތުރަށް ބަދަހިކޮަށް، ދޭދޭ ގުޅުންތައް އައު އުސްމިންތަކަަކަށް ގެންދިއުމަށް ސާބިތުކަމާއެކު ތިބޭނެކަމުގެ ޔަގީންކަން ރައީސް މުއިއްޒު ވަނީ ދެއްވާފަ އެެވެ.

ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިވެ، ޗައިނާއަށް އިތުރު ކުރިއެރުމާއި ފާގަތިކަން ލިބުމަށް އެދޭކަމަށް ރައީސް މުއިއްޒު ވަނީ ވިދާޅުވެފަ އެވެ.