އިންޑިއާ ކަނޑުގެ ލީޑިން އެއާޕޯޓަކަށް އަނެއްކާ ވެސް ވެލާނާ އިންޓަނޭޝަނަލް އެއާޕޯޓު

އިންޑިއާ ސަރަހައްދުގެ ލީޑިން އެއާޕޯޓަކަށް ވެލާނާ އިންޓަނޭޝަނަލް އެއާޕޯޓު ހޮވިއްޖެއެވެ.

ރާއްޖޭގައި ބޭއްވި ވޯލްޑް ޓްރެވެލް އެވޯޑްސްގައި ވެލާނޭ އިންޓަނޭޝަނަލް އެއާޕޯޓު އިންޑިއާ ސަރަހައްްދުގެ ލީޑިން އެއާޕޯޓުގެ މަގާމު ހޯދީ މި ސަރަހައްދުގެ ބޮޑެތި އެއާޕޯޓުތަކާ ވާދަކޮށެވެ.

އެގޮތުން އެ އެވޯޑަށް ނޮމިނޭޓްވި އެއާޕޯޓުތަކުގެ ތެރޭގައި ހިމެނެނީ މަޑަގަސްކަރަގެ އިވިޓޯ އިންޓަނޭޝަނަލް އެއާޕޯޓާއި، ރީޔޫނިއަންގެ ރޮލެންޑް ގަރޮސް އެއާޕޯޓާއި، ސީޝެލްސްގެ ސީޝެލްސް އިންޓަނޭޝަނަލް އެއާޕޯޓާއި، މޮރީޝިއަސްގެ ސާ ސީވޫސަގުރް ރަމްގޫލަމް އިންޓަނޭޝަނަލް އެއާޕޯޓުގެ އިތުރުން ވެލާނާ އިންޓަނޭޝަނަލް އެއާޕޯޓެވެ.

އިންޑިއާ ސަރަހައްދުގެ ލީޑިން އެއާޕޯޓުގެ މަގާމު ރާއްޖެއިން ހޯދި މިއީ 13 ވަނަ ފަހަރެވެ.

މިދިޔަ އަހަރު އެ އެވޯޑު ހޯދައިފައިވަނީ މޮރީޝިއަސްގެ ސާ ސީވޫސަގުރް ރަމްގޫލަމް އިންޓަނޭޝަނަލް އެއާޕޯޓެވެ. ރާއްޖެއިން އެންމެ ފަހުން އެ އެވޯޑު ހޯދައިފައިވަނީ 2022 ވަނަ އަހަރުއެވެ. އެހެންކަމުން ރާއްޖެއަށް އެ އެވޯޑު މި ލިބުނީ ތިން އަހަރުގެ މެދު ކެނޑުމަކަށް ފަހުއެވެ.