އޭޝިއަން ގޭމްސް 2026: 4 ގުނަ 100 މީޓަރު ރިލޭގައި ހަ އަހަރު ތެރޭ އެންމެ އަވަސް ޓައިމިން

އޭޝިއަން ގޭމްސް އައިޗީ-ނަގޯޔާ 2026ގައި ދިވެހި އެތުލެޓިކްސް ޓީމުން ފިރިހެނުންގެ 4 ގުނަ 100 މީޓަރު ރިލޭގައި ދުވެފިއެވެ.

ނަގޯޔާގެ މިޒުހޯ ޕާކް އެތުލެޓިކް ސްޓޭޑިއަމްގައި އިއްޔެ އޮތް ފިރިހެނުންގެ 4 ގުނަ 100 މީޓަރު ރިލޭގެ ހީޓު 1 ގައި ދިވެހި ޓީމުން ރޭސް ނިންމާފައި ވަނީ 41.76 ސިކުންތުންނެވެ. މިއީ 2019 ވަނަ އަހަރުގެ ފަހުން ދިވެހި ޓީމުން 4 ގުނަ 100 މީޓަރު ދުވި އެންމެ އަވަސް ޓައިމިން އެވެ.

ދިވެހި ޓީމުން މި ރިލޭގައި ދުވީ އިބްރާހިމް ނާހިލް ނިޒާރާއި އާދަމް ރިއްފަތާއި ހަސަން ސާއިދުގެ އިތުރުން އިބާދުﷲ އާދަމް އެވެ.

މި އިވެންޓްގެ ގައުމީ ރެކޯޑް އެންމެ ފަހުން އާކޮށްފައި ވަނީ 2016 ވަނަ އަހަރެވެ. އެ އަހަރު އިންޑިއާގައި އޮތް ސައުތު އޭޝިއަން ގޭމްސްގައި ސާއިދާއި ހުސެއިން ހަލީމް އަދި ހުސެއިން އިނާސް އާއި އަޒްނީން އަހުމަދުގެ ޓީމް ރެކޮޑް ހެދީ 41.21 ސިކުންތުން ރޭސް ނިންމައިގެންނެވެ.