ރޮނާލްޑޯ އާއި ޕޯޗުގަލް ގައުމީ ޓީމުގެ މައްސަލަ

އުމުރުން 41 އަހަރުގެ ޕޯޗުގަލް ގައުމީ ޓީމުގެ ކެޕްޓަން ކްރިސްޓިއާނޯ ރޮނާލްޑޯ އާއި ގައުމީ ޓީމުގެ ކޯޗު ޖޯޖް ޖީސަސްއާ މެދު އުފެދުނު ހިޔާލުތަފާތުވުންތަކަކާ ގުޅިގެން ރޮނާލްޑޯ ވަނީ ގައުމީ ޓީމް ކޭމްޕް ދޫކޮށްލައިފަ އެވެ.

ޖޯޖް ޖީސަސް ޕޯޗުގަލްގެ ގައުމީ ޓީމާ ހަވާލުވީ މިދިޔަ ވޯލްޑް ކަޕަށް ފަހު އެވެ. ޕޯޗުގަލް މުބާރާތުގެ ގަދަ 16 އިން ލެޓި ފަހުން ޖީސަސްއާ ކޯޗުކަން ހަވާލުކުރި އިރު، އޭނާ ވަނީ މިދިޔަ ސީޒަންގައި ރޮނާލްޑޯ ކުޅެމުން އަންނަ އައް ނަސްރަށް ސައުދީ ޕްރޯ ލީގު ކާމިޔާބު ކޮށްފަ އެވެ.

މި މައްސަލައިގައި ރޮނާލްޑޯ ޓީމު ދޫކޮށްލީ ޕްރެސް ކޮންފަރެންސެއްގައި ކޯޗު ދެއްކި ވާހަކަތަކަކާ ގުޅިގެންނެވެ.

މިދިޔަ މަހު 18 ގައި ޔޫއެފާ ނޭޝަންސް ލީގުގެ ފުރަތަމަ ހަތަރު މެޗަށް ނެގި ސްކޮޑުގައި ރޮނާލްޑޯ ހިމެނުނެވެ. އަދި ފުރަތަމަ ވޭލްސް މެޗުގެ ކުރިން 23 ސެޕްޓެމްބަރުގައި އޮތް ނޫސްވެރިންގެ ބައްދަލުވުމުގައި ރޮނާލްޑޯ ބުނީ، ކޯޗާއި އެފްއޭގެ ރައީސް އޭނާއަށް އިތުބާރުކުރާ ކަމަށެވެ. އަދި އޭނާއަށް އިތުބާރު ނުކުރާކަން އިޙްސާސްވާ ދުވަހަކުން އެންމެ ފުރަތަމަވެސް ޓީމު ދޫކޮށްދާނީ އޭނާ ކަމަށް ބުންޏެވެ.

ޖެހިގެން އައި ދުވަހު ވޭލްސްއާ ދެކޮޅަށް ކުޅުނު މެޗުގެ ފުރަތަމަ އެގާރައިގައި ރޮނާލްޑޯ ކުޅުނެވެ. މެޗުގައި އޭނާ ޖެހި ގޯލެއް ވީއޭއާރުން ކެންސަލްކުރިއިރު، ފަހުން ކޯޗު އޭނާ ބަދަލުކުރި ވަގުތު ސަޕޯޓަރުން ވަނީ ރޮނާލްޑޯއަށް ތައުރީފް ކޮށްފަ އެވެ.

އެއަށް ފަހު 27 ސެޕްޓެމްބަރުގައި ނޯވޭއާ ދެކޮޅަށް ކުޅެ 2-1 އިން ޕޯޗުގަލް މޮޅުވި މެޗުގެ މުޅި 90 މިނެޓު ރޮނާލްޑޯ އިނީ ބެންޗުގައެވެ. މިއީ 22 އަހަރުގެ ގައުމީ ކެރިއަރުގައި އޭނާ ބެންޗުގައި އިން ތިން ވަނަ މެޗެވެ. މެޗު ނިމުމާއެކު ސަޕޯޓަރުންނަށް ސަލާމްކުރުމެއް ނެތް ސީދާ ޗޭންޖިން ރޫމަށް އޭނާ ދިޔައެވެ.

މި މެޗަށް ފަހު 29 ވަނަ ދުވަހު ކޯޗު ޖީސަސް އާއި ރޮނާލްޑޯ އަދި ކޯޕަންހޭގަންއަށް ދިޔަ އެފްއޭގެ ރައީސްގެ މެދުގައި ސިއްރު ބައްދަލުވުމެއް ބޭއްވިއެވެ. އަދި ދެ ދުވަހު ރޮނާލްޑޯ ގައުމީ ޓީމާއެކު ފަރިތަނުކޮށް، މަސައްކަތްކުރީ ޖިމްގައެވެ. އަދި ޖެހިގެން އައި ދުވަހު ކޯޗު ޖީސަސް ނޫސްވެރިންގެ ބައްދަލުވުމުގައި ވާހަކަދައްކަމުންދަނިކޮށް، ރޮނާލްޑޯ ވަނީ އަމިއްލަ ޖެޓުގައި ކޭމްޕު ދޫކޮށް ގޮސްފައެވެ. ސޯޝަލް މީޑިއާގައި ރޮނާލްޑޯ ބުނީ ކޭމްޕު ދޫކޮށް ދިޔަ ސަބަބުގެ ތެދު ހަގީގަތް ފަހުން ހާމަކުރާނެ ކަމަށެވެ.

ރޮނާލްޑޯ ސްކޮޑް ދޫކޮށް ދިޔަ ފަހުން މިދިޔަ ބުރާސްފަތި ދުވަހު ޑެންމާކާ ދެކޮޅަށް ކުޅުނު މެޗަށް ރޮނާލްޑޯގެ 7 ނަމްބަރު ޖޯޒީގައި ކުޅުނީ ރަފޭލް ލެއާއޯ އެވެ. ޑެންމާކް އަތުން 4-2 އިން މޮޅުވި މެޗަށްފަހު ކޯޗު ބުނީ ރޮނާލްޑޯއަކީ އައިކޮންއެއް ކަމަށާއި، ނަމަވެސް އޭނާ ކަންތައް ކުރީ ގޯސްކޮށް ނޫން ކަމަށެވެ.

މި މައްސަލަ ހައްލުކުރުމަށްޓަކައި ޕޯޗުގަލް ފުޓްބޯޅަ ފެޑަރޭޝަންގެ ރައީސް ޕެޑްރޯ ޕްރޮއެންސާ މިހާރު ދަނީ ކޯޗު ޖޯޖް ޖީސަސް އާއި ކެޕްޓަން ކްރިސްޓިއާނޯ ރޮނާލްޑޯއާއެކު ކުއްލި ބައްދަލުވުމެއް ބޭއްވުމަށް ތައްޔާރުވަމުންނެވެ.