ފުލުހުންގެ ތަރުޖަމާނަކަށް އަނެއްކާ ވެސް ޝިޔާމް

ފުލުުހުންގެ ރަސްމީ ތަރުޖަމާނަކަށް އިންސްޕެކްޓާ އޮފް ޕޮލިސް އަހުމަދު ޝިޔާމް އައްޔަނުކޮށްފި އެެވެ.

މިއަދު ފުލުހުން މީޑިއާތަަކަށް ހިއްސާކުރި ގޮތުގައި ތަރުޖަމާނެއްގެ ގޮތުގައި ޝިޔާމް އައްޔަނުކުރީ އެ މާގާމުގައި މީގެ ކުރިން ހުންނެވި ސުޕްރިންޑެޓް އޮފް ޕޮލިސް އާރިފްގެ ބަދަލުގައި އެވެ. އަދި މި ބަދަލާ ގުޅިގެން ފުލުހުންގެ ހިދުމަތުގެ ފަރާތުން މީޑިއާތަަކަށް މައުލޫމާތު ދެއްވުމާއި، އާންމުން ހޭލުންތެރިކުރުމުގެ މަސައްކަތްތަކުގައި އެންމެ އިސްކޮށް ހަރަކާތްތެރިވަޑައިގަންނަވާނީ ޝިޔާމް ކަމަށް އެ އިދާރާއިން ބުނެފައިވެ އެވެ.

ޝިޔާމް އަކީ މީގެ ކުރިން ވެސް ފުލުހުންގެ މީޑިއާ ހިންގުމުގައި އިސްކޮށް ހަރަކާތްތެރިވަޑައިގެންނެވި ބޭފުޅެކެވެ.

ހަމައެއާއެެކު މީގެ ކުރިން ނޯތު ޕޮލިސް ޑިވިޝަންގެ ކޮމާންޑަރެއްގެ ގޮތުގައި ވެސް ޝިޔާމް ވަނީ ހަރަކާތްތެރިވެވަޑައިގެންފައި އެވެ. ވަޒީފާގެ ނުފޫޒު ނަހަމަ ގޮތުގައި ބޭނުންކުރުމުގެ ތުހުމަތުގައި 2014 ވަނަ އަހަރު ޝިޔާމް ވަނީ ވަޒީފާއިން ވަކިކޮށްފަ އެވެ. ނަމަވެސް މިއަހަރުގެ ޖޫން މަހުގެ ތިން ވަނަ ދުވަހު ޝިޔާމްގެ ވަޒީފާ އިޔާދަކުރުމަށް ހައިކޯޓުން ވަނީ ހުކުމްކޮށްފައި އެވެ.