ނޭޕާލްއަށް ދިމާވެފައިވާ ދަތި އުނދަގޫ ހާލަތުގައި މުޅި ދިވެހިރާއްޖެ އޮތީ އެ ގައުމުގެ ރައްޔިތުންނާ އެކު: ރައީސް މުޢިއްޒު

ނޭޕާލްއަށް މިހާރު ދިމާވެފައިވާ ގުދުރަތީ ކާރިސާގެ ދަތި އުނދަަގޫ ހާލަތުގައި މުޅި ދިވެހިރާއްޖެ އޮތީ އެ ގައުމުގެ ރައްޔިތުންނާއި އެކު ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ.

ސޯޝަލް މީޑިއާގައި ނެރެފައިވާ ނޫސްބަޔާނެއްގައި އެމަނިކުފާނު ވިދާޅުވީ ނޭޕާލަށް ކުރި ބޯވިއްސާރައިގެ ސަބަބުން ކުރިމަތިވި ފެންބޮޑުވުމާއި، ބިންގަނޑު ކަނޑައިގެން ދިއުމުގެ ސަބަބުން ގިނަ ބައެއްގެ ފުރާނަ ގެއްލި، އާންމު ދިރިއުޅުމަށް ބޮޑު ދަތިތަކާއި އެ ގައުމުގެ ރައްޔިތުން ކުރިމަތިލާންޖެހުމަކީ ހިތާމަވެރި ކަމެއް ކަމަށެވެ.

ހަަމައެއާއެކު މި ހާދިސާގައި ފުރާނަ ގެއްލިފައިވާ ފަރާތްތަކާއި ވީނުވީއެއް ނޭންގި ގެއްލިފައިވާ ފަރާތްތަކުގެ އާއިލާތަކަށް ރައީސް މުއިއްޒު ވަނީ ހަމްދަރުދީ ފޮނުވާފަ އެވެ. އަދި މި ހާދިސާގެ އަސަރުކުރި އެންމެހާ ފަރާތްތަކަށް ކެތްތެރިކަމާއި، ސަލާމަތްތެރިކަން ދެއްވައި، މި ހާލަތަުން އަވަސް އަލިމަގެއް ފެނުމަށް ރައީސް މުއިއްޒު ވަނީ އެދިވަޑައިގަންނަވާފައި އެވެ.