އާންމު ތަންތަނުގައި ނިވާކަން ކުޑަކޮށް އުޅޭ އުޅޭ ބިދޭސީންނަށް ފިޔަވަޅު އަޅަނީ

އާންމު އިޖުތިމާއީ މިންގަނޑާ ހިލާފަށް، ނިވާކަން ކުޑަކޮށް ހެދުން އަޅައިގެން އާންމު ތަންތަނުގައި އުޅޭ ބިދޭސީންނާމެދު ގާނޫނީ ފިޔަވަޅު އަޅާނެ ކަމުގެ އިންޒާރު ދިވެހި ފުލުހުންގެ ހިދުމަތުން ދީފި އެވެ.

ފުލުހުން މިއަދު ނެރުނު އިއުލާނެއްގައި ބުނީ، ރާއްޖޭގައި ދިރިއުޅޭ ބައެއް ބިދޭސީން މަގުމަތީގައާއި އާންމު ތަންތަނުގައި ނިވާކަން ކުޑަކޮށް އުޅޭކަން ފާހަގަކުރެވިފައިވާ ކަމަށެވެ. މިއީ މުޖުތަމައުގެ އާންމު ސުލޫކާއި އަހުލާގީ މިންގަނޑުތަކާ ހިލާފު، އަދި އިޖުތިމާއީ ސުލްހަމަސަލަސްކަމަށް ނޭދެވޭ އަސަރުކޮށްފާނެ ކަމަކަށްވާތީ، އެފަދަ ފަރާތްތަކާމެދު "އާންމު އިޖުތިމާއީ މިންގަނޑުތަކާ ހިލާފު އަމަލުތައް ހުއްޓުވުމުގެ ގާނޫނު" (2010/11) ގެ ދަށުން ފިޔަވަޅު އަޅާނެ ކަމަށެވެ.

މީގެއިތުރުން، ޓޫރިސްޓުންނަށް ހާއްސަ ކޮށްފައިވާ ސަރަހައްދުތައް ފިޔަވައި އެހެން އާންމު ތަންތަނުގައި އުޅޭއިރު ދިވެހި މުޖުތަމައުގެ ސަގާފަތާއި އާދަކާދައަށް އިހުތިރާމުކުރުމަށް ފުލުހުން ވަނީ އިލްތިމާސްކޮށްފަ އެވެ.

ހަމަ އެއާއެކު، ބިދޭސީން ގެންގުޅޭ ފަރާތްތަކުން އެ މީހުން މާހައުލަށް ހޭލުންތެރިކުރުވައި، އިޖުތިމާއީ މިންގަނޑުތަކަށް ހުރުމަތްތެރިކޮށް ހިތުމަށް ބާރުއެޅުމަށްވެސް ފުލުހުންގެ އިއުލާނުގައި އެދިފައިވެ އެވެ.