ފަޅު ރަށަކަށް ގޮސް އުޅުނު މީހަކު ކުއްލި ގޮތަކަށް މަރުވެއްޖެ

ގއ.ކޮލަމާފުށި ކައިރީގައި އޮންނަ ފަޅުރަށެއް ކަމަށްވާ ކަޅުހުއްޓާ އަށް ގޮސް އުޅުނު މީހަކު މަރުވެއްޖެ އެވެ.

ދިވެހި ފުލުހުންގެ ޚިދުމަތުގެ ފަރާތުން މީޑިއާ ތަކަށް ފޮނުވި މެސެޖުގައި ބުނެފައި ވަނީ، އެ މީހާގެ ހާލު ދެރަވެގެން މިއަދު 14:30 ހާއިރު ގއ.އަތޮޅު ހޮސްޕިޓަލަށް ގެންދިޔަ ކަމަށާއި، އެ މީހާ މަރުވެފައިވާކަމުގެ މައުލޫމާތު ލިބިފައިވާ ކަމަށެވެ.

ފުލުހުން ބުނީ މަރުވެފައި ވަނީ ގއ.ކޮލަމާފުށި / އުދަރެސް، އުމުރުން 45 އަހަރުގެ އަޙުމަދު މިސްޙާގު ކަމަށެވެ. މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.