ޚަބަރު

ސަރުކާރުން އަމާޒު ހިފާފައި ވަނީ މިއަހަރުގެ ޑިސެމްބަރު މަހުގެ 31 ވަނަ ދުވަހުގެ ނިޔަލަށް އަރަބިއްޔާ ސްކޫލުގެ މަސައްކަތް ނިންމާލުމަށެވެ. އަދި ކުރިއަށް އޮތް 2027 ވަނަ އަހަރުގެ ދިރާސީ އަހަރުގެ ކިޔަވައިދޭން ފަށާއިރު، މި ސްކޫލު ބޭނުން ކުރުމަށް ވަނީ ހަމަޖެހިފައި. ޒަމާނީ ފެންވަރަށް ތަރައްޤީ ކުރާ އަރަބިއްޔާ ސްކޫލަކީ 10 ފަންގިފިލާ އަށް އިމާރާތް ކުރާ ސްކޫލަކަށްވާއިރު، މި ސްކޫލާ އެކު ތައުލީމީ ނިޒާމަށް ބޮޑު ކުރިއެރުމެއް ލިބިގެންދާނެ.

ބުދަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި ފާސްކޮށްފައި ވަނީ މި ހިނގާ އޮގަސްޓު މަހުގެ 20 ވަނަ ދުވަހުގެ ނިޔަލަށް މަޖިލީހުގެ މި ދައުރު އިތުރު ކުރުމަށް. މަޖިލީހުގެ ދައުރު އިތުރު ކުރުމަށް ނިންމާފައި ވަނީ ޖަލްސާގައި ބައިވެރިވެ ވަޑައިގެންނެވި 58 މެމްބަރުންގެ ވޯޓުން.

ކުރިއަށް އޮތް ދެ އަހަރެއްހާ ދުވަހުގެ ތެރޭގައި ފުރިހަމަ ކުރުމަށް ހަމަޖެހިފައިވާ މި ޕްރޮގްރާމުގެ މައިގަނޑު ތަޞައްވުރަކީ 2028 ވަނަ އަހަރާ ހަމައަށް އަންނައިރު، ޕީޖީ އޮފީހަކީ، އިންސާނީ ޙައްޤުތައް ކޮންމެ މަރުހަލާއެއްގައި ވެސް ރައްކާތެރިކުރެވިފައިވާ، އަމިއްލަ ސިޔާދަތީ ބާރު ލިބިގެންވާ، ފުރިހަމައަށް ޑިޖިޓަލައިޒް ކުރެވިފައިވާ، ސުލޫކީ ހެޔޮ މިންގަނޑުގައި ނަޒާހަތްތެރިކަމާ އެކު، ދެފުށް ފެންނަ ޕްރޮސެކިއުޝަން ޚިދުމަތެއްދޭ ތަނަކަށް ހެދުން.

އެމްއެމްއޭ އިން ބުނެފައި ވަނީ، އެ އިދާރާ އިން ގެނެސްފައިވާ މި ބަދަލަކީ ބޭންކިންގެ ނިޒާމުގެ ތެރެއިން ބޭރު ފައިސާ ލިބުން ފަސޭހަ ކޮށްދިނުމަށް ގެނައި ބަދަލެއް ކަމަށް. ހަމަ އެހެންމެ، ރާއްޖެ އަށް މުދާ އިމްޕޯޓު ކުރުމުގައި ބޭނުންވާ ފައިސާ ހޯދުމުގައި ވިފަރާރި ތަކަށް ކުރިމަތިވާ ދަތިތަކަށް ޙައްލެއް ހޯދައި ދިނުމަށް މި ބަދަލު ގެނެސްފައިވާ ކަމަށް ވެސް އެމްއެއެމްއޭ އިން ބުނެފައިވޭ.